ტოლერანტობის კვირეული

16 ნოემბერს მთელი მსოფლიო აღნიშნავს ტოლერანტობის მსოფლიო დღეს. ამ დღესთან დაკავშირებით სკოლაში დაიგეგმა კვირეული, რომლიც ფარგლებშიც განხორციელდა სხვადასხვა აქტივობები, მოეწყო ნახატების და ხელნაკეთი ნივთების გამოფენები, გამოიცა კედლის გაზეთები სხვადასხვა ენაზე,  ჩატარდა მხატვრულ–ლიტერატურული კომპოზიციები, 

უმცროსი კლასების მოსწავლეებმა დადგეს და წარმოადგინეს მსოფლიოს სხვადასხვა ხალხების ზღაპრები მეგობრობაზე, სიკეთეზე, კაცთმოყვარეობაზე.
სკოლის სამოქალაქო განათლები კლუბი ძალიან აქტიურად არის ჩართული სკოლის ცხოვრებაში და საზოგადოებრივ–საინფორმაციო საქმიანობაში, კლუბის წევრების მიერ დაიბეჭდა და ქალაქში გავრცელდა საინფორმაციო ბუკლეტები ტოლერანტობის თემაზე, მოეწყო დებატები თემაზე ,,საჭიროა თუ არა დღეს ვიყოთ ტოლერანტულები'', გაკეთდა სასკოლო რადიოგადაცემა ტოლერანტობის საკითხებზე, ასევე ჩატარდა მოსწავლეთა ანკეტირება

მასწავლებლის და დუბლიორის დღე

მიმდინარე სასწავლო წელს სამოქალაქო განათლების კლუბის წევრების ინიციატივით და სკოლის ადმინისტრაციის მხარდაჭერით კიდევ ერთ სასკოლო ტრადიციას ჩაეყარა საფუძველი. მასწავლებლის დღე –– 5 ოქტომბერი –– ჩვენი სკოლის მოსწავლეებისა და მასწავლებლებისათვის სასიამოვნო სიურპრიზებით სავსე აღმოჩნდა. ამ დღეს სკოლაში დუბლიორის დღე მოეწყო: სკოლის დირექციის და მასწავლებლების უფლება–მოვალოებები უფროსკლასელებმა გადაინაწილეს და მთელი დღის განმავლობაში ისინი ხელმძღვანელობდნენ სკოლაში სასწავლო და აღმზრდელობით პროცესს, რის შედეგადაც კიდევ ერთხელ დარწმუნდნენ, თუ რაოდენ რთული და საპასუხისმგებლოა მასწავლებლობა )).

კლუბის წევრების მიერ მასწავლებლებისათვის სკოლის მოსწავლეების ძალებით ორგანიზებული იქნა საზეიმო კონცერტი, რომლის მეშვეობითაც კიდევ ერთხელ დავუდასტურეთ ჩვენს აღმზრდელებს სიყვარული და პატივისცემა. ძვირფასო მასწავლებლებო კიდევ ერთხელ გილოცავთ!!!!!!

22 სექტემბერი – დღე ავტომანქანის გარეშე

რა შეგვიძლია გავაკეთოთ ამ დღეს უმანქანოდ?

• დატოვეთ ავტომანქანა სახლში და გამოიყენეთ საზოგადოებრივი ტრანსპორტი, ველოსიპედი, ქვეიტი გასეირნება და სხვა ნებისმიერი ალტერნატიული ეკოლოგიური სატრანსპორტო საშუალება (საჰაერო ბუშტი, ცხენი...)
• მონაწილეობა მიიღეთ ველოგარბენებში
• თუ თქვენ ამ დღეს არ შეგიძლიათ უარი თქვათ ავტომანქანაზე, შეამცირეთ თქვენი ,,სატრანსპორტო ნაკვალევი'': აიყვანეთ თანამგზავრი,  მოიფიქრეთ უფრო ოპომალური მარშრუტი, შეამოწმეთ საბურავებში წნევა, დაიცავით ეკოტარების წესები...
• შეიბით მწვანე ბაფთა აქციის მხარდაჭერის ნიშნად და უამბეთ მის შესახებ ახლობლებს.

მანქანების ძალიან დიდი რაოდენობა არ არის მხოლოდ დიდი ქალაქების პრობლემა, ეს უკვე გლობალური პრობლემაა. ავტოტრანსპორტი ანგრევს პლანეტის ბიოსფეროს და თავად ადამიანს, სტატისტიკის მიხედვით, ავტოსაგზაო შემთხვევებში ყოველდღიურად 3000 ადამიანზე მეტი იღუპება, ხოლო კონვეიერიდან ყოველ წუთში გამოდის ერთი მანქანა.
მსოფლიო დღე ავტომანქანოს გარეშე არინიშნება 1998 წლიდან, ამ ტრადიციას საფუძველი საფრანგეთში ჩაეყარა. მაშინ ეს დღე აღინიშნა მხოლოდ ორ ათეულ ქალაქში, სამაგიეროდ 2001 წლისათვის მოძრაობას ოფიციალურად შეუერთდა მსოფლიოს 35 ქვეყნის ათასზე მეტი ქალაქი.

 ავტომანქანის გარეშე მსოფლიო დღე (ინგლისურად Car-free day) ტარდება ევროპის და მსოფლიოს სხვა ნაწილების დიდ ქალაქებში 22 სექტემბერს. ამ დღეს დიდი როლი ენიჭება საზოგადოებრივ ტრანსპორტს და ველოსიპედით გასეირნებას, ხოლო საკუთარი ავტოტრანსპორტის გამოყენება შეზღუდულია. ყველა ქვეყანაში ამ დღეს ეკოლოგიური პრობლემების გარდა ყურადღება ექცევა გზებზე უსაფრთხოებას. დიდ ქალაქებში, სადაც ავტოსაგზაო შემთხვევებში ათობით ადამიანი იღუპება, ასეთი აქციების ჩატარება ხელს უწყობს საგზაო ინციდენტების შემცირებას, ვითარდება ველობილიკების ინფრასტუქტურა, ჰაერი ხდება უფრო სუფთა, ხოლო ადამიანები უფრო ყურადღებიანები ხდებიან!!!

,,გავაკეთოთ ეს ქვემო ქართლში''

თითოეული ჩვენთაგანი ოცნებობს სუფთა პლანეტაზე, მდინარის ნაპირის, ტყის პირის, სახლისა და სკოლის სიახლოვეს პარკის სილამაზეზე. სწაორედ ამიტომ ქალაქ მარნეულის #6 საჯარო სკოლის თემის წარმომადგენლები დიდი ენთუზიაზმით გამოეხმაურნენ სამოქალაქო განათლების კლუბი ,,იმედის’’ წევრების მოწოდებას ჩართულიყვნენ აქტივობაში ,,გავაკეთოთ ეს ქვემო ქართლში’’. ამ აქტივობის ფარგლებში დაიგეგმა აქცია,,სკოლის სუფთა ეზო“, რომელიც გულისხმობდა სკოლის ეზოს დასუფთავებას და გალამაზებას.

წინა დღეებში სკოლის ფოიეში გაჩნდა კედლის გაზეთი აქციის თემაზე, ხოლო ფასადზე ლოზუნგი და მოწოდება, შემუშავებული იქნა აქციის ემბლემა, რომელიც 15 სექტემბერს მონაწილეებს დაუმაგრდათ ტანსაცმელზე.

შაბათობას შეუერთდნენ სკოლის მოსწავლეები, მასწავლებლები, მშობლები, დირექტორი. კლასებმა გაინაწილეს სკოლის ეზო და დიდი მონდომებით შეუდგნენ მის მოწესრიგებას, ერთმანეთს ეჯიბრებოდნენ ვინ მეტ ნაგავს მოაგროვებდა, ნაწილი ბორდიურებს და ხეებს ათეთრებდა. სამუშაოს იხალისებდნენ მუსიკის და ცეკვის თანხლებით.

სასიამოვნო სანახავი იყო კოლექტიური შრომის შედეგი. ჩვენი სკოლის ყველა მოსწავლემ იცის, რომ სისუფთავე არა მარტო იქ არის, სადაც არ ანაგვიანებენ, არამედ იქაც, სადაც ასუფთავებენ და ალაგებენ და შემდგომში ჩვენ ვაპირებთ ვიცხოვროთ ანტუან დე სენტ–ეგზიუპერის სიტყვების მიხედვით, ,,ადექი დილას, მოიწესრიგე თავი და მაშინათვე მოაწესრიგე შენი პლანეტა’’

ცხოვრების ჯანსაღი წესის პროპაგანდა

ცხოვრების ჯანსაღი წესი_ხშირად გვესმის და ალბათ არაერთხელ დავფიქრებულვართ კიდეც ამ ფორმულირებაზე. მაინც რა არის ეს ჯანსაღი წესი, რას გულისხმობს, რას მოიცავს? თუმცა მტავარი დეტალები ბევრს არც კი აქვს სათანადოდ გაცნობიერებული, მაინც ყველამ იცის, რომ ცხოვრების ჯანსაღი წესი ორგანიზმის ჯანმრთელობის, დღეგრძელობის, სოციალურ ფუნქციათა სრულფასოვნად განხორციელების საწინდარია. სხვა საკითხია, ვინ როგორ მისდევს ამ წესს. ან კი როგორ უნდა მისდიოს ზოგიერთმა,თუ მისი არსიც კი არ აქვს გათავისებული?! ამიტომაც გადავწყვიტეთ, ჩვენი ბუკლეტი ამ უმნიშვნელოვანესი თემისათვის მიგვეძღვნა, მკითხველისათვის სასარგებლო რჩევების ფონზე კიდევ ერთხელ განგვემარტა ცხოვრების ჯანსაღი წესის არსი, მისი მთავარი პრინციპები, მათი დანერგვისა და დაცვის აუცილებლობა. ასე რომ, დაიწყეთ ახალი ცხოვრება ჯანსაღი წესით.

სტუმრად ბედიანის ბავშვთა სახლში

1 ივნისი ბავშვთა დაცვის საერთაშორისო დღეა.

ამ დღესთან დაკავშირებით მარნეულის #6 საჯარო სკოლის სამოქალაქო კლუბის ,,იმედის'' წევრებმა ორგანიზება გავუკეთეთ საქველმოქმედო აქციას ,,დაეხმარე რითიც შესძლებ''. აქციის ფარგლებში სკოლის მიერ შეძენილი იქნა ბედიანის ბავშვთა სახლისათვის LCD ტელევიზორი, ჩვენი კლუბის წევრის ჯეირან მამიშევას ოჯახმა საჩუქრად გადმოგვცა ახალი მაცივარი, გარდა ამ საყოფაცხოვრებო ტექნიკისა, ბავშვებმა მოაგროვეს საჩუქრები: ტკბილეული, ხილი, ტანსაცმელი, სხვადასხვა საყოფაცხოვრებო საგნები.

ასე ,,ხელდამშვენებულები'' მარნეულის პროკურატურასთან ერთად  ადგილობრივი მუნიციპალიტეტის მიერ გამოყოფილი სატრანსპორტო საშუალებით 1 ივნისს ვესტუმრეთ ბავშთა სახლს, და იმედი გვაქვს, რომ ერთი ხალისიანი დღე ვაჩუქეთ მშობელთა მზრუნველობას მოკლებულ თანატოლებს. http://www.youtube.com/watch?v=aUjuaWp523c&feature=youtu.be

***

სამოქალაქო კლუბი იმედის წევრებმა ერთი დღე გავატარეთ მარნეულის უპოვართა სასადილოში, სადაც კიდევ ერთხელ დავრწმუნდით, რამდენად საჭიროა გულმოწყალება და ქველმოქმედება, იმ ადამიანების დახმარება, რომელთაც ეს ძალიან სჭირდებათ. ჩვენ ჩვენი მცირედი წვლილი შევიტანეთ ამ საქმეში, რაც მართალია ზღვაში წვეთია, მაგრამ თუ სხევბიც მოგვბაძავენ წვეთი მართლაც ზღვად გადაიქცევა