ერთად შიდსის წინააღმდეგ

სოფლიო აივ ინფექცია/შიდსის ეპიდემიის განვითარების მესამე ათწლეულში შევიდა. შეძენილი იმუნოდეფიციტის სინდრომის (შიდს) პრობლემა კვლავ უმწვავესია მთელ მსოფლიოში და მიჩნეულია კაცობრიობისთვის ყველაზე დიდ საფრთხედ თერმობირთვული ომის შემდეგ. აივ ინფექ-ცია/შიდსის ეპიდემიამ ელვისებური სისწრაფით მოიცვა მსოფლიოს ყველა კონტინენტი, ყველა ქვეყანა და დაამტკიცა, რომ იგი თანაბრად ემუქრება ყველას რასის, სქესის, ასაკის, ეროვნების, განათლებისა და სარწმუნოების მიუხედავად. შიდსი ნელა პროგრესირებადი ინფექციური დაავადებაა. მას იწვევს ადამიანის იმუნოდეფიციტი (ვირუსი/აივ). ვირუსი ადამიანის ორგანიზმში შეჭრის შემდეგ აზიანებს ორგანიზმის იმუნურ (დამცველ) სისტემას და მწყობრიდან გამოჰყავს იგი. ინფიცირებულ პირს ადვილად უჩნდება სხვადასხვა ინფექციური ან/და სიმსივნური დაავადება, როგორც წესი, სასიკვდილო შედეგით.

თანამედროვე კლასიფიკაციით, აივ ინფექცია ეწოდება დაავადებას ვირუსით ინფიცირების მომენტიდან სიცოცხლის ბოლომდე, ხოლო ტერმინით შიდსი - აღინიშნება აივ ინფექციის ბოლო სტადია, როდესაც ავადმყოფს უვითარდება დაავადების გარკვეული კლინიკური ნიშნები და/ან იმუნური სისტემის მძიმე დაზიანება.

სამოქალაქო კლუბის მიერ თვითმმართველობასთან მიმართვა

ჩვენ სასიხარულო სიახლე გვაქვს!!! დიდი ხანია ჩვენი კლუბი გამოდიოდა ინიციატივით რომ ადგილობრივ თვითმმართველობას სკოლის მიმდებარე ტერიტორიაზე მოეწყო უსაფრთხო გადასასვლელი, რაშიც სკოლის ადმინისტრაციაც გვიჭერდა მხარს და არაერთხელ მივმართეთ ადგილობრივ თვითმმართველობას, ამ საკითხის მოსაგვარებლად!!!
და აი, ჩვენი სკოლის მისასვლელებთან მოეწყო ე.წ. ,,მწოლიარე პოლიციელი"

დიდი მადლობა გვინდა ამისათვის გადავუხადოთ ჩვენი ქალაქის მესვეურებს!!!
რადგან ეს საკითხი ერთ–ერთი პრიორიტეტული იყო ჩვენს მიერ დაგეგმილი კლუბის სამუშაო გეგმაში.

თამაში ,,სამართლის ბორბალი"

ტრადიციულად ვაგრძელებთ შემეცნებითი და საგანმანათლებლო ხასიათის ვიქტორინების და კონკურსების ორგანიზებას და ჩატარებას. ამ წლის ნოემბრის თვეში ბავშვთა საერთაშორისო დღესთან დაკავშირებით მეცხრეკლასელებისათვის მოვაწყვეთ ვიქტორინა ,,სამართლის ბორბალი" რომლის კითხვები და პასუხები ბავშვთა უფლებებს და მათ დაცვას ეხებოდა. გამარჯვებული კლასის გუნდი დაჯილდოვდა სიგელით.

სტენდების გაფორმება ტოლერანტობის თემაზე

ჩვენი სამოქალაქო განათლების კლუბის სამუშაო გეგმაში მნიშვნელოვანი ადგილი უკავია ტოლერანტობის თემას, ჩვენ კარგად გვაქვს გააზრებული მისი მნიშვნელობა საზოგადოების სწორი ფორმირებისათვის, მასში შემწყნარებლობის და კაცთმოყვარეობის მნიშვნელობის გაცნობიერებისათვის.

ამ მიზნით სკოლაში ყოველწლიურად ვაახლებთ სტენდებს, ვეძიებთ და ვამუშავებთ ახალ მასალას, ვცდილობთ რომ სტენდების შინაარსი და გარეგნული იერი საინტერესო გავხადოთ ჩვენი ტანატოლებისა და უმცროსკლასელებისათვის.

აქცია ,,სკოლის სუფთა ეზო"

ჩვენი სკოლის სამოქალაქო კლუბისათვის უკვე ტრადიციად იქცა სასკოლო ეზოს მოვლა–დასუფთავებაზე ზრუნვა.
ამ ტრადიციისათვის არც ამჯერად გვიღალატია :)

მოგესალმებით :)

მარნეულის #6 საჯარო სკოლის სამოქალაქო განათლების კლუბი ,,იმედი" მოგესალმებათ ყველას!!!

ახალი სასწავლო წლის დაწყებასთან ერთად ჩვენც განაახლეთ ჩვენი საკლუბო მუშაობა, ახალი წევრებით, ახალი გეგმებით და ძველი მიზნებით ))

დღეიდან სისტემატიურად გაცნობებთ იმ აქტივობების შესახებ, რომლებსაც ვახორციელებთ ჩვენი სასკოლი თემის უშუალო მონაწილეობით.

მაშ ასე, წარმატებებს გისურვებთ თქვენც და ჩვენს კლუბსაც.

ახალგაზრდული ფორუმი

სამოქალაქო განათლების კლუბი „იმედის“წევრებმა მონაწილეობა მიიღეს „სამოქლაქო განათლების “ფარგლებში მარნეულში გამართულ „ახალგაზრდულ ფორუმში“რაიონის სხვა სკოლების სამოქალაქო კლუბების მოსწავლეებთან ერთად შეიმუშავეს პროექტი "ერთად ვებრძოლოთ ძალადობას",რომელიც უახლოეს ხანებში უნდა განხორციელდეს რაიონის მასშტაბებით.

გავაკეთოთ სასარგებლო საქმე

ჩვენი სკოლის სამოქალაქო კლუბი "იმედი" ზრუნავს სკოლის ეზოს სისუფთავეზე. ტრადიციულად, კლუბის წევრებმა ორგანიზება გაუკეთეს და სკოლის სხვა მოსწავლეებთან ერთად დაასუფთავეს სკოლის ეზო, შეათეთრეს ხეები და ბორდიურები. პლანეტის სისუფთავეზე ზრუნვა ხომ ჩვენი უშუალო გარემოს დასუფთავებიდან იწყება!

მარნეულის ჩემპიონი 2013

ყოველ წელს ტრადიციულად "მხიარული სტარტების" ფედერაცია ატარებს შეჯიბრს სასკოლო გუნდებს შორის.
მიმდინარე წელს ჩვენმა სკოლამ წარმატებულად იასპარეზა. მოსწავლეებისა და მასწავლებლების მონდომებამ ამაოდ არ ჩაიარა და შესაბამისი შედეგი მივიღეთ.
ჩვენი სკოლა–მარნეულის ჩემპიონი 2013

ვულოცავთ ჩვენს უმცროს მეგობრებს გამარჯვებას და ვუსურვებთ წარმატებებს მომავალში

მხიარული სტარტების მსგავსი ტიპის ღონისძიებები ახდენს ცხოვრების ჯანსაღი წესის პოპულარიზაციას. ბავშვებში აღვივებს ვარჯიშით, სპორტით დაინტერესებას და მით უფრო მნიშვნელოვანია საზოგადოების ჯანსაღი მომავალი თაობის ჩამოყალიბებაში

ოთარ მეღვინეთუხუცესი გარდაიცვალა

ჩვენს გვერდით ცხოვრობენ და მოღვაწეობენ ისეთი ადამიანები, რომლებიც დიდ კვალს ამჩნევენ დროის კულტურას და ყოფას, რომლებიც მისაბაძი  და პატივსაცემნი არიან არა მარტო მათი თანამედროვე, არამედ მომავალი თაობებისათვისაც, ასეთი ადამიანების ამ ცხოვრებიდან წასვლა დანაკლისია არა მარტო მისი ახლობლებისათვის, არამედ მთელი ერისათვის. სწორედ ერთ–ერთი ასეთი ადამიანი წავიდა.

81 წლის ასაკში მსახიობი ოთარ მეღვინეთუხუცესი გარდაიცვალა. ოთარ მეღვინეთუხუცესი 1932 წლის 16 იანვარს დაიბადა. იყო საქართველოს სახალხო არტისტი, საბჭოთა კავშირის სახალხო არტისტი, მიღებული აქვს რუსთაველის სახელმწიფო, კოტე მარჯანიშვილის სახელობის და სხვა პრემიები.




მსახიობს განსაკუთრებული აღიარება მოუტანა ფილმ "დათა თუთაშხიაში" შესრულებულმა მთავარმა როლმა.
ოთარ მეღვინეთუხუცესს შესრულებული აქვს როლები ფილმებში: "ფატიმა", "ვედრება", "დიდოსტატის მარჯვენა", "მთვარის მოტაცება, "ნატვრის ხე", "კეთილი ადამიანები", "მზე შემოდგომისა", ასევე უამრავი როლი რუსთავისა და მარჯანიშვილის თეატრებში. 

ნახატების კონკურსი ,,მე ვხატავ არჩევნებს''

ჩვენი სამოქალაქო განათლების კლუბის წევრები დიდ ყურადღებას ვუთმობთ უმცროსკლასელებთან მუშაობას.
 მომავლის სრულუფლებიანი მოქალაქის აღზრდისათვის უმნიშვნელოვანესია ადრეული ასაკიდანვე ვიცნობდეთ ჩვენს უფლებებს და მოვალეობებს, აქტიურად ვიყოთ ჩართული ქვეყანაში მიდინარე პროცესებში და ვანხორციელებდეთ ჩვენს აქტიურ და პასიურ საარჩევნო უფლებებს. ამ მიზნით პატარებისათვის მოვაწყეთ ნახატების კონკურსი ,,მე ვხატავ არჩევნებს'', განსაკუთრებული აქცენტი კეთდება ჩვენი სკოლის არაქართული სექტორის მოსწავლეებთან მუშაობაზე, რათა ხელი შევუწყოთ მათ სრულყოფილ ინტეგრაციას ჩვენს მრავალეთნიკურ საზოგადოებაში.